{"id":1867,"date":"2013-06-21T18:57:23","date_gmt":"2013-06-21T17:57:23","guid":{"rendered":"http:\/\/www.literaturakoadernoak.org\/?p=1867"},"modified":"2013-06-21T19:02:46","modified_gmt":"2013-06-21T18:02:46","slug":"jon-tapia-kartzelatik-erbestera","status":"publish","type":"post","link":"http:\/\/www.literaturakoadernoak.org\/?p=1867","title":{"rendered":"Jon Tapia, “Kartzelatik erbestera”"},"content":{"rendered":"

<\/a><\/p>\n

Gartzelatik. Poema eta bertso bilduma<\/strong>
\nJon Tapia<\/em>
\nAmnistiaren Aldeko Batzordeak, 1999<\/p>\n

\n

\nKartzelatik erbestera<\/strong><\/p>\n

Milari igorriak, 1986an<\/em><\/p>\n

1
\nOrtze gabeko, paraje mingotz
\nxortaka ximel diren hainbat bihotz,
\nzurbil harriak, burni, harresi…
\nhaizeak dakar kantu eresi.
\n Hau da geriza!
\nLaidatu dute euskaldun giza,
\ngailendu zaigu bortitz paliza.<\/p>\n

2
\nZoria urri, zohargi ere,
\nmilaka lege ta sasi botere.
\nJasan beharrak zigor ta bortxa,
\nbeti gainean eraso hatsa.
\n Non dago indar?
\nMakildurikan hamaika bizkar.
\nGaua heldu da zorrotz ta zipar.<\/p>\n

3
\nArrats gogorrak oinaze dakar,
\nzelda lizun hontan samin ta bakar.
\nZutaz galdezka hainbat intziri,
\nbainan alferrik, hau da martiri!
\n Ene maitea!!
\nNahigabe astunek naute betea,
\nsuntsigarria da, minkidea.<\/p>\n

4
\nNegar-zotinka, mendre geratu
\nluze ta-astun gau madarikatu.
\nGrina zitalek naute ebaki,
\nbihar biziko naizen nork daki?
\n Zure beharra!
\nMingor, txiro…, ta arras bakarra.
\nEtor dedila txori goiztarra!<\/p>\n

5
\nEkaitz ondoren egunsentia,
\noilarturikan bihotz amestia.
\nSamin itzelak joanak dira,
\nnagusitu da argi diztira.
\n Ez naiz galdua!
\nBerpizturikan bizi-gogua,
\nbihozmin hura da lurrundua.<\/p>\n

6
\nPizti maltzurren eragin latza,
\neri eta hauskor den azken hatsa.
\nZiztrin ta hutsal hauen joera
\nalferrik dabiltz, damu ez gera.
\n Gure bidean,
\ndugu irauti denok batean,
\neuskal iraultzak duten legean.<\/p>\n

7
\nIparraldean zenbat eraso…
\nbeti itzarri zer gerta, zer jazo.
\nErbesteratu zinen eguna
\njadanik dago nahiko urruna.
\n Ez dugu etsi!
\nohiko borrokan gaur eta etzi,
\nnahiz-ta ateak giltzarriz hertsi.<\/p>\n

8
\nAgur maitea, agur laztana
\nhainbat zorion eta poz emanak.
\nEtorriko da egun berria,
\nez dago urrun udaberria.
\n Ene landare!
\nHain eder eta hain paregabe,
\nnire barnean beti zerade.<\/p><\/blockquote>\n

Kartzelatik<\/strong>
\nAnje Duhalde<\/em>
\nBakezaleak<\/a> (LP) \/ Zuzenean (CD)<\/a><\/p>\n