{"id":3599,"date":"2015-11-27T18:12:28","date_gmt":"2015-11-27T17:12:28","guid":{"rendered":"http:\/\/www.literaturakoadernoak.org\/?p=3599"},"modified":"2015-11-27T18:12:28","modified_gmt":"2015-11-27T17:12:28","slug":"naiz-ataraminek-aurkeztu-du-2015eko-uzta-19-sortzaileren-lanekin","status":"publish","type":"post","link":"http:\/\/www.literaturakoadernoak.org\/?p=3599","title":{"rendered":"[naiz] Atarami\u00f1ek aurkeztu du 2015eko uzta, 19 sortzaileren lanekin"},"content":{"rendered":"


\n\u2018Atarami\u00f1e 15\u2019en aurkezpenean izan dira Nekane Basauri, Mitxel Sarasketa, Oier Gonzalez eta Marian Etxarri. (Jon URBE\/ARGAZKI PRESS)<\/em><\/p>\n

\u2192 naiz.eus: Atarami\u00f1ek aurkeztu du 2015eko uzta, 19 sortzaileren lanekin<\/a><\/p>\n

Atarami\u00f1ek aurkeztu du 2015eko uzta, 19 sortzaileren lanekin<\/strong><\/p>\n

Amalur ARTOLA<\/em><\/p>\n

Emakumeen ahotsa inoiz baino ozenago dator \u2018Atarami\u00f1e’15\u2019-en, preso dauzkaten euskal herritarrek osatutako literatur koadernoan. Gaur aurkeztu dute urteroko alea, baita Mikel Orbegozoren \u2018Ilargiraino!\u2019 komiki-liburu berria eta Joseba Arregiren margo eta idazlanek osatzen duten \u2018Burdin elorri arantzetan\u2026 denbora jorratzen\u2019 argitalpena ere.<\/strong><\/p>\n

Sorkuntza lau hormaren arteko ihesbide paregabea dela esanez aurkeztu dute \u2018Atarami\u00f1e’15\u2019, euskal preso politikoen lanak biltzen dituen urtekaria. Aurtengo aleak 19 sortzaileren margolanak, poesiak, idatziak eta kronikak biltzen ditu, euskaraz, gaztelaniaz zein frantsesez, eta elkarteko kide Oier Gonzalezek azaldu duenez, aurten emakumeen ahotsa inoiz baino indartsuago dator: \u00abEspetxea egitura maskulinoa da, patriarkala, eta ale honetan emakumeen ahotsa ageri da, baita emakumeen erotika ere\u00bb. Hitzaurrea Ekhi\u00f1e Izagirrek egin duela nabarmendu du eta, Itziar Plazarekin batera, olerkiak eta marrazkiak uztartuz burutu duten atala ere aipatu du. Baita Itziar Morenoren iruditegia ere.<\/p>\n

Koaderno literarioaz gainera, beste bi argitalpen ere aurkeztu dituzte: Joseba Arregiren \u2018Burdin elorri arantzetan\u2026 denbora jorratzen\u2019 eta Mikel Orbegozoren \u2018Ilargiraino!\u2019. Lehena Nekane Basauri, Arregiren bikotekideak aurkeztu du. Azaldu duenez, azken urteetan euskal politikan eman diren aldaketak \u00abitxaropenez\u00bb bizi izan dituzte eta, hala, kondenaren murrizketan pentsatuz Arregik azken urteetan egindako margolanen bilduma osatzea erabaki zuten. Arregik espetxean 23 urte daramatzala eta mundu digitala arrotza zaiola azaldu eta bilduma ikusi zuenean \u00abtxundituta\u00bb geratu zela nabarmendu du: \u00abHurrengo bisitara kolkoan 30 paper zituela atera zitzaidan, margolan bakoitzari idatzi bat egin ziola esanez\u00bb, oroitu du, barrez. Material hura landuta, Arregik munduaz duen ikuskera ematen du argitalpenean. Aurretik, \u2018Kartzelako leihotik\u2019 argitaratu zuen, hura ere ildo beretik eta Atarami\u00f1erekin.
\nPUBLICIDAD<\/p>\n

\u2018Ilargiraino!\u2019 ere ez da Mikel Orbegozoren lehen lana. Aurretik, \u2018Preso nago\u2019 eta \u2018Preso nago 2\u2019 komiki liburuak argitaratuak ditu eta, ilustrazio lan berrian, murruen barrualdera beharrean kanpoaldera begira jarri da. Marian Etxarri, Mikelen ama, izan da liburuaren nondik-norakoak azaldu dituena: \u00abBeti presoei buruz idatzi du, eta orain bisitan goazenei buruz. Errespetua ematen zion lan honek eta maiz ordubiak arte egon da esna, lanean. Gu oso erreflejatuak ikusten gara lan honetan\u00bb, ziurtatu du.<\/p>\n

Bere aldetik, elkarteko kide Mitxel Sarasketak lan guzti hauek duten balioa goraipatu du: \u00abGuk hartzen dugun ideia da presoak bizirik daudela, eta lanotan sekulako adorea eta kemena adierazten dute. Pentsatu behar dugu kartzelatik daukaten bizitza ikuspegia erakusten digutela\u00bb, esan du. Lanok ohiko liburu-denda sarean, Durangoko Azokan eta euren webgunean, www.literaturakoadernoak.org, eskura daitezke.<\/p><\/blockquote>\n

\n

RSS <\/a> literatura koadernoak<\/a> ataramine<\/a><\/center><\/p>\n
\"Share\"\/<\/a>