{"id":3605,"date":"2015-11-28T12:10:06","date_gmt":"2015-11-28T11:10:06","guid":{"rendered":"http:\/\/www.literaturakoadernoak.org\/?p=3605"},"modified":"2015-11-28T12:10:06","modified_gmt":"2015-11-28T11:10:06","slug":"gara-sormenak-hormak-gainditzen-dituelako-2015eko-uzta-aurkeztu-du-ataraminek","status":"publish","type":"post","link":"http:\/\/www.literaturakoadernoak.org\/?p=3605","title":{"rendered":"[Gara] Sormenak hormak gainditzen dituelako, 2015eko uzta aurkeztu du Atarami\u00f1ek"},"content":{"rendered":"


\nArgazkia: Jon URBE\/ARGAZKI PRESS<\/em><\/p>\n

\u2192 Gara: Sormenak hormak gainditzen dituelako, 2015eko uzta aurkeztu du Atarami\u00f1ek<\/a><\/p>\n

Sormenak hormak gainditzen dituelako, 2015eko uzta aurkeztu du Atarami\u00f1ek<\/strong><\/p>\n

Amalur ARTOLA<\/p>\n

Besapean hiru liburu dituztela sartu dira Donostiako Haziak dendara Atarami\u00f1eko kideak. Lehena, urtekaria, euskal errepresaliatu politikoen margolan, poesia, bertso, kronika zein bestelako idatziz osatutako koadernoa. Bigarrena, Mikel Orbegozoren \u00abIlargiraino!\u00bb komikia eta, azkena, Joseba Arregiren \u00abBurdin elorri arantzetan… denbora jorratzen\u00bb margolan eta idatzi bilduma. Kanpotik barrurako eta barrutik kanporako bidea egiten duten lanak dira guztiak. <\/em><\/p>\n

Zaila da urtero Atarami\u00f1ek egiten duen ahalegina deskribatzea; Atarami\u00f1ek, eta euskal preso politikoen senitarteko eta lagunek, horiek baitira hormen bestaldean daudenen sormenari ihesbidea emateko ezinbesteko konplizeak. Sorkuntza lau hormen arteko ihesbide paregabea dela esanez hasi zuten atzo, Donostiako Haziak herri dendan, aurtengo uztaren aurkezpena. Eta, hain zuzen, zentzu guztietan barrutik kanporako eta kanpotik barrurako bidea egiten duten hiru lan ekarri zituzten besapean: \u201cAtarami\u00f1e\u201915\u201d koadernoa, Joseba Arregi Azpilleta-ren \u201cBurdin elorri arantzetan\u2026 denbora jorratzen\u201d eta Mikel Orbegozoren hirugarren komiki-liburua, \u201cIlargiraino!\u201d.<\/p>\n

Urtekaria da lehena, euskal presoek egindako margolan eta denetariko idatziak biltzen dituen koadernoa. Aurten, 19 sortzaileren kronikak, narrazioak, poesiak eta margoak dakartza, euskaraz, gaztelaniaz zein frantsesez, eta, elkarteko kide Oier Gonzalezen hitzetan, aurten emakumeen ahotsa inoiz baino indartsuago dator: \u00abEspetxea egitura maskulinoa da, patriarkala, eta aurtengo alean emakumeen ahotsa indartsu ageri da, baita emakumeen erotika ere\u00bb. Hitzaurrea Ekhi\u00f1e Izagirrek egin duela nabarmendu zuen eta, Itziar Plazarekin batera, olerkiak eta marrazkiak uztartuz burutu duten atala zein Itziar Modernoren iruditegia goraipatu zituen. Kontrazalera espetxe politikak aurtengo urtarrilean eraildako Josu Uribetxebarria ekarri dute, Ibon Mu\u00f1oaren olerki baten bidez.<\/p>\n

Nekane Basaurik, Arregiren bikotekideak, aurkeztu zuen \u201cBurdin elorri arantzetan… denbora jorratzen\u201d. Azaldu zuenez, euskal politikan gertatu diren aldaketak \u00abitxaropenez\u00bb bizi izan dituzte eta, hala, kondenaren murrizketan pentsatuz Arregik azken hamarkadan egindako margolanen bilduma osatzea erabaki zuten. Hark espetxean 23 urte daramatzala eta mundu digitala arrotza egiten zaiola azaldu, eta bilduma ikusi zuenean \u00abtxundituta\u00bb geratu zela nabarmendu zuen Basaurik: \u00abHurrengo bisitara kolkoan 30 paper zituela atera zitzaidan, margolan bakoitzari idatzi bat egin ziola esanez\u00bb, oroitu zuen, irribarrez.<\/p>\n

Material hori landuta, Arregik munduaz duen ikuskera ematen du argitalpenean, aurretik \u201cKartzelako leihoak\u201d-en egin bezala. \u00abIzenburuak burdina eta naturaren arteko lotura egiten du; kartzelan daukate eta irudiok espetxetik at kokatzen dute\u00bb, esan zuen Gonzalezek.<\/p>\n

Mikel Orbegozo, bestalde, \u201cPreso nago\u201d eta \u201cPreso nago 2\u201d komiki-liburuetan hormaz barruko bizimoldea irudikatzetik begia murruen beste aldean finkatzera igaro da \u201cIlargiraino!\u201d lan berrian. Bere ama, Marian Etxarri, izan zen liburuaren nondik norakoak azaldu zituena: \u00abBeti presoei buruz idatzi du, eta orain bisitan goazenei buruz. Errespetua ematen zion lan honek eta maiz ordu biak arte egon da esna, lanean. Gu oso islatuak ikusten gara lan honetan\u00bb. Izenburuarekin, bisitarien joan-etorriak eta distantziak gainditzen dituen maitasuna islatu nahi izan dituela ere gaineratu zuen: \u00abEtxeratek azaldu zuen astero egiten ditugun kilometroekin ilargiraino iritsi gintezkeela. Eta badago Pirritx, Porrotx eta Marimotosen abesti ezagun bat, \u2018ilargiraino eta buelta, maite zaitut\u2019 esaten duena. Bi horiek uztartu nahi izan ditu\u00bb.<\/p>\n

Bestalde, elkarteko kide Mitxel Sarasketak lan hauek guztiek duten balioa goraipatu zuen: \u00abGuk hartzen dugun ideia da presoak bizirik daudela. Lanotan sekulako adorea eta kemena adierazten dute eta kartzelatik daukaten bizitza ikuspegia erakusten digute\u00bb.<\/p><\/blockquote>\n

\n

RSS <\/a> literatura koadernoak<\/a> ataramine<\/a><\/center><\/p>\n
\"Share\"\/<\/a>