{"id":3842,"date":"2015-12-25T14:59:40","date_gmt":"2015-12-25T13:59:40","guid":{"rendered":"http:\/\/www.literaturakoadernoak.org\/?p=3842"},"modified":"2016-11-12T15:24:59","modified_gmt":"2016-11-12T14:24:59","slug":"ataramine15","status":"publish","type":"post","link":"http:\/\/www.literaturakoadernoak.org\/?p=3842","title":{"rendered":"Atarami\u00f1e’15"},"content":{"rendered":"

<\/a><\/p>\n

Atarami\u00f1e\u201915<\/strong>
\nEuskal errepresaliatu politikoen literatura koadernoak
\n2015
\nNeurriak: 15 x 21 zm.
\n210 orrialde.<\/p>\n

Azaleko irudia: Itziar Moreno Martinez
\n<\/p>\n

>> PDF formatuan<\/a>
\n>> ON LINE irakurtzeko<\/a>
\n>> e-book eta beste formatu batzuk<\/a><\/strong><\/p>\n

<\/p>\n

Atarami\u00f1e\u201915<\/strong><\/p>\n

Ekhi\u00f1e Eizagirre Zubiaurre<\/strong> Hitzaurrea
\nFrantziako espetxetan Instantziak
\nJon Mintegiaga Oiarbide<\/strong> Lagunei zuzendutako hitzak eta bestea
\nFernando Alonso Abad <\/strong>Mapa de cicatrices
\nMikel Antza<\/strong> 337 segundo bizi eta besteak
\nMarixol Iparragirre Guenetxea<\/strong> Ce qui m\u2019aide \u00e0 tenir eta besteak
\nAlfontso Etxegarai Atxirika<\/strong> Desde la orilla eta beste bat
\nEkaitz Sirvent Auzmendi<\/strong> Olerkiak
\nIbon Mu\u00f1oa Arizmendiarrieta<\/strong> Bertsoak
\nJosu Ginea Sagasti<\/strong> Txope izkutua eta besteak
\nXabier Aranburu Muguruza<\/strong> Bertsoak
\nKerman Urizar de Paz<\/strong> Zu berriz ikustean eta besteak \/ Marrazkiak
\nAletxu Zobaran Arriola<\/strong> Marrazkiak
\nMikel Orbegozo Etxarri<\/strong> Marrazkiak
\nGorka Lupia\u00f1ez Mintegi<\/strong> Marrazkiak
\nItziar Moreno Martinez<\/strong> Marrazkiak
\nJoseba Galarraga Arrona<\/strong> Marrazkiak
\nXabier Aranburu Sagarminaga<\/strong> Marrazkiak
\nOier Andueza Antxia<\/strong> Marrazkiak
\nEkhi\u00f1e Eizagirre Zubiaurre<\/strong> eta Itziar Plaza Fernandez<\/strong> Olerkiak-bertsoak eta marrazkiak<\/p>\n

Hitzaurrea<\/strong> <\/p>\n

Hitzaurre hau idazteko eskatu zidatenean, espetxealdiaren eta sorkuntzaren inguruan hausnartzeari ekin nion. Burura etorri zitzaidan lehen erreferentzia azken bi urte eta erdian ezagutu ditudan kideak izan ziren. Era batera edo bestera, guztiek dute -edo izan dute- sormenarekin nolabaiteko harremana, norbere beharrizanei, gustuei, baldintzei egokitutakoa.<\/p>\n

Ezagutu ditut margolariak, bakoitza bere unibertso propio eta bakarrarekin, pintzelak eta margoak borroka tresna bilakatu dituztenak. Orri edota oihal zuriak, ideia, aldarrikarrikapen, amets, bizipen, gorputz, emozioz lehertzen direnak, pintzelak marraz marra, puntuka zein trazuka astinduz, fikziozko errealitate paraleloak sortzen dituztenak.<\/p>\n

Gurutzatu ditut jostun abilak tela zatiak josiz, artilea pazientziaz korapilatuz, negua ez ezik, denboraren astuna epeldu eta samurtzeko moduko buruko, manta, jertse, bufanda, txapel, panpin eta beste egindakoak. Baita hitzak elkar jostea eta haiekin jolastea maite duten hainbat kide ere, hizki zopa litrotan murgilduta, ezleku garratz honen esentzia ustela azaltzen lanak hartzen dituztenak, hitz goilarakada bakoitzean, irakurleari zapore desberdin bat eskaintzeko gai direnak. Zapore gozoak batzutan, gazi edo garratzak beste askotan.<\/p>\n

Mila ertz, erabilera, zentzu eta helburu izan ditzake sorkuntzak. Nire kasuan, bertso edo olerki bat idatzi behar dudan aldiro, buruko hizki zopetan murgiltzeak emozioak lurruntzeko aukera ematen dit. Izkiriatutako hitzen bidez kanporatzen ditut pozak, minak, amorruak, desirak, nahiak, ezintasunak, kezkak eta beste horrenbeste. Dudarik gabe, lau hormen arteko ihesbide paregabea da presoarentzat sorkuntza, hitz, hatz mami zein koloreen bidez iruditegi eta paisaia berriak amesteko ez ezik, biziarazteko gaitasuna ematen diguna; horregatik ere plazer iturri.<\/p>\n

Plazer iturri, gure gorputzen baitan mina eta ezinak ez ezik, fantasiak, gozamenak eta desirak bizi bizirik ditugulako. Sexua zein afektua horren zigortuak, ukatuak, estigmatizatuak ditugun espazio “sakratu” honetan, gure imaginarioaren eta esperimentazioaren bidez, inposatutako mila muga gainditu ditzakegulako. <\/p>\n

Espetxeko bizipenak eta sentipenak ez ezik, zaintza eta maitasuna partekatzeko aukera eskeintzen digute gure sorkuntzek egunerokoan fisikoki ondoan izan ez arren, espetxealdiak irauten duen denbora luzean zaintzen gaituzten senide, lagun eta maitaleei, herriari eta herritarrei, gure eskertza adierazteko modua. Dela herriko festetarako bertso batzuk idatziz, gurasoei zintzilikario batzuk oparituz, gure txikientzako igarkizunak asmatuz… Bai, guretzat ezinbesteko helduleku diren horiekiko zaintza keinu, maitasun adierazpen ere badira gure lanak eta haiek ditugu, maiz, sorkuntza iturri.<\/p>\n

Hitza, kolorea eta gorputzak borroka tresna eta kontzientzia akuilu dira gurean. Zer nahi dugun eta zer nahi ez dugun adierazteko modua ere badelako sorkuntza. Konpromisoa ere izan badelako, gatibu egonik ere, gure borroken, herriaren, gorputz eta bizitzen nolakotasuna zizelkatzeko tresna.<\/p>\n

Aurtengo Aterami\u00f1e kanpora begirako leiho izango da beste urte batez. Gure herrira, senide eta lagunengana gerturatzeko bidea. Gatibu gauzkaten euskal preso politiko guztiontzat, barrutik kanpora, garena, bizi duguna, sentitzen duguna, amesten duguna, borrokatzen duguna, gure egunerokoa, barroterik gabe, kristal edo sarerik gabe, gardenki bezain gordinki oihukatzeko zirrikitua.<\/p>\n

Dudarik ez dut aurtengoan ere edukiz aberats datorrela ale berria. Edukiz aberats eta mezuz indartsu. Barruko minak ez ezik, mingaina zorrotz ateraz. Agurtu aurretik, besarkada estu iraultzaile bana bidaltzen dizuet bahituta zauzkaten gainontzeko kide guztiei, beste horrenbeste gure senide eta lagunei, zuri ere bai irakurle fin hori, eta, nola ez, proiektu hau posible egin duzuen den-denei.<\/p>\n

Gozatu irakurketaz, eta denok etxean izan arte, eutsi tinko borrokari! <\/p>\n

Fresnesko espetxetik, gure herria bihotzean<\/p>\n

Ekhi\u00f1e Eizagirre Zubiaurre<\/strong><\/em><\/p>\n

<\/a>
\n
\nJOSU URIBETXEBARRIA BOLINAGA<\/strong>
\nArrasate, 1955 – Arrasate, 2015.01.16<\/p>\n

\nArrasateko Josu Uribetxebarriari<\/strong><\/p>\n

Harraparia poztu da Eperra hil zaigulako,
\nmortuak osasuna lazki kaltetu ziolako,
\ngorrotoak ospatu du desiratzen zuelako,
\nbarreiaketa horretako eratu zutelako,
\nkideak tristaturik gaude ondradua zelako,
\nduintasuna zer den garbi erakutsi zigulako,
\nzerbait lasaitu gara kartzelan ez zegoelako,
\nazken hatsa maiteen ondoan eman duelako.<\/p>\n

Eperra ez zaitez kezkatu zainduko dugulako,
\nplazak lehen lez euskaraz mintzatuko direlako,
\nutopia herrian hedatzen ari garelako,
\ngoizero zeure ametsak berresten ditugulako,
\namnistiaren zirria sentituko duzulako,
\nzeure izartxoak dir-dir gidatzen gaituelako,
\nAma-Lurraren altzoan zoriontsu zaudelako,
\ngereziondoa mardul loratzen ari delako.<\/p>\n

Ibon Mu\u00f1oa Arizmendiarrieta<\/em><\/strong><\/p>\n

\/ literatura koadernoak<\/a> \/ atarami\u00f1e<\/a> \/ literaturakoadernoak.org<\/a> \/<\/p>\n

\"Share\"\/<\/a>