{"id":3865,"date":"2016-11-16T12:37:22","date_gmt":"2016-11-16T11:37:22","guid":{"rendered":"http:\/\/www.literaturakoadernoak.org\/?p=3865"},"modified":"2017-12-03T12:29:48","modified_gmt":"2017-12-03T11:29:48","slug":"ataramine16","status":"publish","type":"post","link":"http:\/\/www.literaturakoadernoak.org\/?p=3865","title":{"rendered":"Atarami\u00f1e’16"},"content":{"rendered":"

<\/a><\/p>\n

Atarami\u00f1e\u201916<\/strong>
\nEuskal errepresaliatu politikoen literatura koadernoak
\n2016
\nNeurriak: 15 x 21 zm.
\n178 orrialde.<\/p>\n

Azaleko irudia: BARRUTIK aldizkaria
\n<\/p>\n

>> PDF formatuan<\/a>
\n>> ON LINE irakurtzeko<\/a>
\n>> e-book eta beste formatu batzuk<\/a><\/strong><\/p>\n

<\/p>\n

Atarami\u00f1e\u201916<\/strong><\/p>\n

Aurkibidea<\/strong><\/p>\n

Fernando Alonso Abad<\/strong> Esperaremos a que vuelva
\nMikel Antza<\/strong> Sorkuntza minak
\nAlfontso Etxegarai Atxirika<\/strong> La guerra del 58 eta ZZB…
\nIbon Mu\u00f1oa Arizmendiarrieta<\/strong> Bertsoak
\nPatxi Uranga Salbide <\/strong>Bertsoak
\nAitor Fresnedo Gerrikagoitia<\/strong> Hirugarrentxua
\nGorka Lupia\u00f1ez Mintegi<\/strong> Marrazkiak
\nEkhi\u00f1e Eizagirre Zubiaurre<\/strong> Olerkiak
\nItziar Moreno Martinez<\/strong> Marrazkiak
\nAletxu Zobaran Arriola<\/strong> Poemak eta marrazkiak
\nMikel Orbegozo Etxarri<\/strong> Marrazkiak
\nOier Andueza Antxia<\/strong> Marrazkiak
\nJoseba Galarraga Arrona<\/strong> Marrazkiak
\nBarrutik aldizkaria<\/strong> Monografikoa<\/p>\n

Hitzaurrea<\/strong> <\/p>\n

Espetxeaz, sorkuntzaz eta artefaktu afektiboez…<\/strong><\/p>\n

Zein da sorkuntzaren balioa espetxean? Zer suposatzen du espetxean sortzeak? Zenbat min? Zenbat irri? Nola eragiten dio itxituraren baitan dagoenari? Atarami\u00f1ekook sarri asko entzun ditugun galderak, eta erantzun borobilik atontzea zaila da, zinez zorrotza den espetxe errealitateari erreparatzen diogularik. Preso haina espetxe dago, burnizko instituzioak bere baitan harrapatua daukana, oso manera intimoan urratzen duenez.<\/p>\n

Zertarako sortu beraz? Sentimendu, emozio, estimuluen eremulaua den ez-lekuak, gorputz otzan eta ideia propiorik gabeko norbanako bilakatu nahi ditu bere baitaratuak. Helburua erdiesteko, instituzioak darabilen estrategiak hamaika ertz ditu, baina bada bat bereziki zorrotza, norbanakoa manera apartekoan urratzen duena: bakardadea.<\/p>\n

Bakarlekua, bakarmortua…eta beste hainbat izendapen espetxe instituzioaren erraietan ematen den indibiduazio prozesua adierazteko. Bakardadea sortzeko makina erabatekoa, totala, izan badenez instituzioa. Bakardade fisikoa, agerikoena, baita intelektuala, afektiboa,…Kanpoan dagoenarekiko erlazioa errazten duen zubi\/hari bakoitza moztua, filtratua, sistematikoki eraitsia da bertan. Halaz, espetxeratua eta kanpoaren arteko erlazioan, espetxe-instituzioa bitartekari ekidinezina bilakatzen da. Kanpo errealitatea antzemateko interface-a, norekin, noiz, non, zenbat denboraz, zer, zertarako, nora,… Espetxeak antolatua, neurtua, ebaluatua, diagnostikatua dauka presoak, egunerokoa. Diagnostikatua, ezen bakardadea eta honek eragiten dituen aje, ezinegon eta keriak, erantzun terapeutiko baten aurrebaldintza baitira. Bakardadea sortu, beroni aurre egiteko bitarteko terapeutikoak eskaintzeko (ze pildorita nahi duzu? Gorria, urdina, txuria…).<\/p>\n

Nola irudikatu izugarrikeria guzti hau? Zeintzuk lirateke bitartekoak? Nola biziraun?<\/p>\n

Sorkuntzaren nozioari helduta, akaso, erantzun baten lehen trazuak marraztu ditzakegu. Izan ere, sortzearen ariketak berak plano ezberdin batean, plano berri batean kokatzeko aukera ematen dio sortzaileari berari. Inguratzen duen errealitate zurrunetik jauzi bat eginez, aparteko espazio horretan aukera posibleen zabaltasunean saiatzeko parada.<\/p>\n

Paretan zulo bat egitetik, fisikoa, presoa, literalki, kalera aterako duen zirrikitua, irekitzetik. Literalki ere, letra bidezko zubiak eraikitzera eraman gaitzake sorkuntzak espetxean. Den denak, manera abstraktu zein konkretuan bizirauteko estrategiak. Esku artean duzun liburutxo hau, estrategia horien bilduma txiki bat dela esan liteke. Espetxean dirauten lagun zenbaitek, burdin arteko esperientziak suposa lezakeen suntsipen erabatekoari aurre egiteko darabiltzaten taktikak, prosa zein iruditan.<\/p>\n

Deserriak ere izan badu espaziorik orriotan, urruntasuna bera distantzia-espetxe bilakatzen den egoera. Cabo Verdetik iritsitako letrak beraz, distantzia laburtuz, burnizko urruntasun hori zerratuz, luma kolpez zerratu ere. Deportazioa, nazio gatazka garaikidearen aurre-historian kokatzen den figurak, gaurdaino dakartza bere kateak arrastaka.<\/p>\n

Atarami\u00f1en beraren aurre-historiara ere jo dugu ale honetan, 1989-1993 urteetan, euskal presoek argitaratu BARRUTIK aldizkariaren zenbait idazki berrargitaratuz. Orduko letrak egungo idatziak izan badirenez, denbora, lau pareta artean bilakatzen den bataila guztien ama, gaindituz. \u201cUrteak menpean hartu\u201d, sarri patioetan entzun litekeen adiera kartzelarioa. Denbora meneratu ote daitekeen zalantzaz egiten den baitezpadako baieztapena.<\/p>\n

Esku artean beraz, porlanezko paretak, nolabait, birrin ditzakeen bitartekoa. Kolpetik bezainbat laztanetik ere baduen artefaktua. Gure lagun, senide, kideen bizipenez ongi kargatua dagoena. Gure lagun, senide, kideak harrapatuak dituzten hormak lehertzeraino.<\/p>\n

Ongi etorri…<\/p>\n

Atarami\u00f1e\u20192016<\/p>\n

<\/a>
\n
\nBARRUTIK aldizkaria<\/strong>
\n1989-1993<\/p>\n

\nEuskal Preso Politikoen Kolektiboak Barrutik<\/strong> aldizkaria kaleratu zuen 1989-1993. urteen artean. Sakabanaketa garaia zen, sakabanaketa orokorra, sakabanaketa garai gordinena. \u201cIxilkeria eta isolamendua gainditu nahi ditugu\u201d, zioen aurkezpenak. Eta, hala, salaketak, kartzelako kronikak, hausnarketak, agiriak eta bestelako idatziak zabaldu zituzten bost ale marduletan. Guztiak, batekoak eta bestelakoak, sinadura pertsonalik gabe, kolektiboak izenpetuak.<\/p>\n

Haietako testu batzuk ekarri ditugu Atarami\u00f1e<\/strong> ale honetara, oroigarri baino, orduko letra horiek oraingo idatziak ere direlako. Kartzelan idatziak baitira. Kartzelan, non harresien itzalpean denbora gelditu eta zigorra luzatu egiten den. Non bertan idatzitakoa inoiz ez den iragana izango, presoak bertan diren bitartean.<\/p>\n

Barrutik<\/strong> aldizkariak PDF formatuan eskuragarri daude Atarami\u00f1eren webgunean: www.literaturakoadernoak.org\/?p=2620<\/a><\/p>\n

\"Share\"\/<\/a>