{"id":5209,"date":"2024-12-06T19:41:00","date_gmt":"2024-12-06T18:41:00","guid":{"rendered":"http:\/\/www.literaturakoadernoak.org\/?p=5209"},"modified":"2024-12-26T19:43:50","modified_gmt":"2024-12-26T18:43:50","slug":"berria-eus-disko-bihurtutako-espetxealdiko-deiak","status":"publish","type":"post","link":"http:\/\/www.literaturakoadernoak.org\/?p=5209","title":{"rendered":"[berria.eus] Disko bihurtutako espetxealdiko deiak"},"content":{"rendered":"\n

Alaba baten eta aita preso baten arteko harreman berezia jasotzen du \u2018Pizpirri\u2019 diskoak. Alabak hainbat talderekin landu zuen iaz, aitarentzako opari gisa, eta Durangoko Azokan izango da eskura.<\/h2>\n\n\n\n
\"Amaiur
Amaiur Iragi eta Mitxel Sarasketa, Pizpirri diskoaren aurkezpenean, Bilbon. MONIKA DEL VALLE \/ FOKU<\/figcaption><\/figure>\n\n\n\n

\u2192 Irene Bara\u00f1ano Diaz<\/em><\/a><\/p>\n\n\n\n

<\/p>\n\n\n\n

Disko berezia da Pizpirri<\/em>. Ez du musikari batek sortu notak eta hitzak batuta. Diskoaren abiapuntua zeharo ezberdina da: haur motxiladun<\/em> baten eta aitaren arteko bertso eta olerkiak ditu oinarrian, hogei urtean telefono deietan eta bisita laburretan grabatuak.  <\/p>\n\n\n\n

Amaiur Iragi jaio zenetik, aita kartzelan bizi izan da. Hori dela eta, harreman berezia izan dute, abesti, olerki eta bertsoen bidezkoa. \u00ab7 urte inguru nituenean hasi ginen kantuak sortzen\u00bb, azaldu du alabak. \u00abAitak sortzen zituen, gero bisean bisekoetan kantatzen genituen, eta etxera bueltako bidaietan ere abesten nituen\u00bb. Halaber, gogoratzen du ia hamabost urtez aitak etxera egiten zituen bost minutuko deiak grabatzen zituela. Audio horiek landu zituen iaz, urte osoan, aitari ezer esan barik, Gabonetan oparia egiteko.<\/p>\n\n\n\n

Hainbat eskuk egindako lana izan da. Amaiurrek eta aitak sortutako hitzak hainbat artistak eta musika taldek jaso zituzten, eta musikatu eta grabatu egin zituzten. Gero, alabak disko batean bildu zituen hamar abestiak, lagunen laguntzaz masterizatu, CD kutxa apainean sartu, eta aitari oparitu, hitzen liburuxka eta guzti.<\/p>\n\n\n\n

\n

\u00abAbestiak aitak sortzen zituen, gero bisean bisekoan kantatzen genituen, eta etxera bueltako bidaietan ere abesten nituen\u00bbAMAIUR IRAGI<\/strong> ‘Haur motxiladuna’ eta ‘Pizpirri’ diskoaren sortzailea<\/p>\n<\/blockquote>\n\n\n\n

Dozenaka musikari, artista eta bertsolari bildu dituen proiektu horrek argia ikustea merezi zuela iruditu zitzaien orduan. Edozein haur motxiladunen<\/em> istorioa izan zitekeela ohartu ziren. \u00abHerri honek horrelako milaka istorio ditu, eta polita iruditu zitzaigun kontakizunaren alde hori erakustea\u00bb, azaldu du Iragik. <\/p>\n\n\n\n

Handik urtebetera, Atarami\u00f1e elkarteak atera du argitara. Horrela azaldu du Mitxel Sarasketak, Atarami\u00f1eko kideak, diskoak zelan egiten dion erronka espetxe sistemari: \u00abBizitzaren zentzurik intimoena harremanak dira. Beste pertsonekin ditugun harreman horiek dira pertsona egiten gaituztenak, eta kartzelak hori bera oztopatzera bideratutako zigorra dira\u00bb. <\/p>\n\n\n\n

Lan kolektiboa <\/h3>\n\n\n\n

Lana Porrotxen eta Amaiur Iragiren ahotsekin hasten da. Lehen abestian, bien artean azaltzen dute proiektuaren abiapuntua, aita presoaren eta alabaren arteko komunikazio bide berezia, eta ideia nondik jaio zen. \u00abBaina ez da haurrentzat propio sortutako lana\u00bb, ohartarazi dute, \u00abLetra batzuk zatarrak dira, aldarrikatzaileak, eta doinu batzuk ere, antzekoak\u00bb. Des-kontrol taldeak musikaz bete duen abestiak honela dio: \u00abErantzun zaidazu, kamarada\/ Ez zaizu gustatuko, beharbada\/ Ta ezin daitekeela bi aldeetan\/ Aldi berean egon… Ez hemen, ez inon!\u00bb.<\/p>\n\n\n\n

Aita-alabek abestutako olerki bat ere bada diskoan, baina harreman berezi hori ondoen islatzen duen kanta Noraezean<\/em> dela ados daude biak. Azken hori aitak espetxetik telefonoz botatako bertso bat da, alabak grabatutakoa, eta orain E\u00f1aut Elorrieta abeslariak musikatua. \u00abMozkortu egin ginen hori da maitasuna\/ Piztu genuen milioika izarretan sua\/ Baina gaur, keak estaltzen du zerua\/ Gaur… biharamuna\u00bb. Bi gizonek batera sekula abestu ez badute ere, hala izan zela dirudi. <\/p>\n\n\n\n

Xabi Solanoren erromeria doinuak ere bildu dituzte, eta Amaiurren lagunen artean grabatu dute Marijaiaren omenezko abesti bat ere. Doinu tradizionaletatik urrunduta, satira zorrotza egin dute aitaren abesti gogokoenean. Gainontzekoak doinu arin eta gogorrak dira, hainbat talde eta musikarik landutakoak: Iheskide, Uda, Brigade Loco, Zarama taldeko Roberto Moso, Napalm Lynott, eta M.C.D. eta Motorsex taldeetako Niko Vazquez, besteak beste. <\/p>\n\n\n\n

Hamar bertsolariren artean, gainera, aita-alabak idatzitako sei olerki musikatu grabatu dituzte. \u00abNoiz hasi ote zen dena urruntasun hurbilean\/ Itsasontzi miragarriz piratak ginen unean\/ Errepideko marra bat, hiru, bost, sei kontatzean\/ Nola sartu bizitza bat bertso baten laburrean\/ Nola sartu bizitza bat ordu t’erdiko tartean\/ Nola sartu bizitza bat telefono dei batean\/ Nik bizitza bat sartzen dut ‘maite zaitut’ esatean\u00bb. Horixe kantatu dute Ametsen piratak<\/em> abestian, lan kolektibo batean, Unai Iturriaga, Aitor Mendiluze, Nerea Ibarzabal, Oihana Iguaran, Alaia Martin, Amets Arzallus, Joanes Illarregi, Be\u00f1at Gaztelumendi, Miren Amuriza eta Igor Elortza bertsolariek. <\/p>\n\n\n\n

Zergatik ‘Pizpirri’<\/h3>\n\n\n\n

Diskoak aspaldi hildako landare baten izena hartu du. Amaiur txikia zela, aitak Castellongo kartzelan (Herrialde Katalanak) aurkitutako landare bat izan zen Pizpirri, hondarrez eta hautsez betetako botila batean erein eta zaindu zuena. Alabak hileroko bisitetan ikusten zuen Pizpirri hazten, osasuntsu. <\/p>\n\n\n\n

Diskoaren lehen pistan, olerki batekin azaltzen dute Amaiurrek eta Porrotxek zer gertatu zitzaion Pizpirriri: \u00abSorterria nekez uzten du sustraiak han dituenak, ordea, eta, landarea aske etxera eraman genuenean, ez ginen jabetu agian hobe egongo litzatekeela bere sorterrian, etxera heldu eta han hil baitzitzaigun Pizpirri\u00bb. <\/p>\n\n\n\n

Landare zena gogoan dute oraindik ere. Izen bereko disko hau da horren froga. Orain, edozeinen eskura jarri dute Durangoko Azokan eta Zirika kulturguneko abenduko Herri Dendan, eta asmo dute beste hainbat tokitan ere saltzeko. Webgune bat ere sortu dute diskoarentzat, baina aitortu dute unean-unean ari direla diskoaren gaineko erabakiak hartzen, egoerak eta izan duen harrera onak gainditu egin baititu. 

<\/p>\n\n\n

\n

Alaba baten eta aita preso baten arteko harreman berezia jasotzen du \u2018Pizpirri\u2019 diskoak. Alabak hainbat talderekin landu zuen iaz, aitarentzako opari gisa, eta Durangoko Azokan izango da eskura.@i_baranano<\/a> https:\/\/t.co\/qSGLC5oo2l<\/a><\/p>\n

— Berria.eus (@berria) December 6, 2024<\/a><\/p><\/blockquote>\n