{"id":696,"date":"2011-09-01T13:22:19","date_gmt":"2011-09-01T12:22:19","guid":{"rendered":"http:\/\/www.literaturakoadernoak.org\/?p=696"},"modified":"2011-09-01T13:29:29","modified_gmt":"2011-09-01T12:29:29","slug":"bertso-berriak-mittard-ean-jarriak","status":"publish","type":"post","link":"http:\/\/www.literaturakoadernoak.org\/?p=696","title":{"rendered":"Bertso berriak, mittard-ean jarriak"},"content":{"rendered":"


\nEneko Bilbao<\/strong>
\n(Bilbo)
\nGotzon Alkalde<\/strong> (Algorta)
\n<\/br>
\n<\/br>
\n<\/br><\/p>\n

Eneko Bilbao euskal preso politikoak Gotzon Alcalderi dedikatutako bertso sorta bat argitaratu du Argia aldizkariaren 2888. alean<\/a>. Bertso hauek Fleury espetxeko mittardean idatzi zituen, kartzelariek Gotzon jipoitu <\/a>eta elkartasunean egindako protestetan bertako euskal preso politikoak bakartu egin zituztenean. Orain Gotzon Alcalde Soto del Real espetxean dago<\/a>.<\/p>\n

>> argia 2288 zenbakia: Bertso berriak, mittard-ean jarriak<\/strong><\/a><\/p>\n

>> argia 2288 zenbakia: Bertsoak PDF formatoan<\/a>.<\/p>\n

Bertso berriak, mittard-ean jarriak
\nEneko Bilbao Aresti<\/strong><\/p>\n

I<\/strong>
\nBertsolaria ez naiz ni eta
\naurkeztu nadin hasteko:
\nabizena dut Bilbao eta
\nizena, berriz, Eneko;
\nParis aldean preso naukate
\nlau urtez dagoeneko,
\nbaina badaukat istorio bat
\nzuekin konpartitzeko.<\/p>\n

II<\/strong>
\nZigor-ziegatik nabil idazten
\nhau da gure miseria!
\nLeiho txiki bat baino ez dago
\ndoi-doi sartzen da argia,
\nsaiatu arren ez dute lortu
\nzulo bat guztiz itxia\u00e2\u20ac\u00a6
\nzirrikitutik sartu da berriz
\njoan den asteko Argia<\/strong>.<\/p>\n

III<\/strong>
\nSarriegiren bertsoei adi
\nnago zalantzaz beteta,
\nsorta oso bat fin aurkezteko
\nzein ote da errezeta?
\nAsmatzen badut, publikatzean
\njar ezazue arreta,
\nargazki soil bat erakustea
\ndelitu omen da eta.<\/p>\n

IV<\/strong>
\nKartzelariek gure kide bat
\njipoitu zuten unean
\ngainontzekooi barrua sutu
\nzitzaigun derrepentean,
\npromenade-a blokeatuta
\nprotesta egin ostean
\nFleury-ko euskal preso guztiok
\ngaude orain mittard-ean. <\/p>\n

V<\/strong>
\nOsorik bete zuen Gotzonek
\nbere kondena makurra,
\nabioira igo eta Madrilen
\nhartu behar zuen lurra,
\nhan eta hemen kartzelaria
\nizan ohi denez txakurra,
\nukabilkoka eta ostikoz
\neman zioten agurra.<\/p>\n

VI<\/strong>
\nItsas-labarra hurbil duenak
\negiten duen antzera,
\nbotila baten mezua sartuz
\nbota olatu artera\u00e2\u20ac\u00a6
\nGotzon, zuretzat bidaltzen ditut
\nnik bertso hauek airera,
\nanimo, lagun, maite zaitugu\u00e2\u20ac\u00a6
\ngogor eutsi eta aurrera!<\/p>\n

Doinua<\/strong>: Loa, loa txuntxurrun berde.<\/p>\n

Mittard<\/strong>: Frantziar kartzeletako zigor-ziega.
\nPromenade<\/strong>: Presoek kartzelako patioan egoteko daukaten denbora tartea (egunean 2-3 ordu).
\nPromenadea blokeatzea<\/strong>: Patioan egonda, berriro ziegara igotzeko aginduei uko egitea.
\nFleury<\/strong>: Paris ondoan dagoen kartzela.<\/p><\/blockquote>\n

\"Share\"\/<\/a>