{"id":1031,"date":"2012-07-15T20:57:46","date_gmt":"2012-07-15T19:57:46","guid":{"rendered":"http:\/\/www.literaturakoadernoak.org\/?p=1031"},"modified":"2012-07-15T20:57:46","modified_gmt":"2012-07-15T19:57:46","slug":"joseba-sarrionandia-gerlaren-gazi-gozoak","status":"publish","type":"post","link":"https:\/\/www.literaturakoadernoak.org\/?p=1031","title":{"rendered":"Joseba Sarrionandia: “Gerlaren gazi-gozoak”"},"content":{"rendered":"

\"\"<\/p>\n

>> naiz.info: Sarrionandiak bidalitako poemak Eako Poesia Egunetan<\/a><\/p>\n

Eako Poesia Egunen baitan, Joseba Sarrionandiak egunean bertan irakurtzeko bidalitako lau poema hauek izan ziren atzoko sorpresarik politena. Herriko lau gaztetxok irakurri zituzten iluntzean.<\/p>\n

Bergara 1838<\/strong><\/p>\n

\u00c2\u00abGerlaren ondoren ezin da, jakina, justizia
\negokirik banatu.
\nEhun milek mereziko luke, legeen arabera,
\nzigor gogorra,
\neta ez litzateke egokia gehiengoa
\nkondenatzea.<\/p>\n

Egin daitekeena da, hartu edozein eta horri
\nbi aste kartzela ezarri,
\neta beste hura libre utzi, eta honi,
\ngizajoari, hogei urte,
\neta gero hartu beste bat eta horri, errudun
\nhandi horri, ostera,
\nzigorra beharrean, urrezko medaila bat
\npublikoki ezarri
\nedo pribatuan eta hurrengoari hiru urte, eta
\nhorko beste kriminal zital horri,
\nindemnizazio aberatsa, biktima lez, azken batean
\ndenak izan garelako,
\naldizka, borrero eta biktima. Hala egin daiteke
\njustizia,
\njustizia egiteko era bat da behintzat, eta baliteke
\nhala komeni izatea,
\ngauzak errazteko eta, batez ere, beste ehun
\nmilaren inozentzia azpimarratzeko.<\/p>\n

Ondo begiratuez gero, tontoen gauza litzateke
\nez ohartzea justizia delako hori
\ngauzak egiteko modu bat baizik ez dela,
\nbeste modu batzuen artekoa,
\nkomenigarriagoa behar bada, baina ez berez
\njustuagoa edo duinagoa,
\ngerran antzeko ekintzak egin dituelako mundu guziak,
\npertsonalki
\nedo ordezkarien bidez, eta horixe delako, gainera,
\ngerraren tragedia
\neta erru orokorra: krimenaren eskema onartzea
\nedo, hain luzaroan,
\nkrimenaren eskema emendatzeko imajinaziorik
\nez izatea.\u00c2\u00bb<\/p>\n

Gorozika 1937<\/strong><\/p>\n

\u00c2\u00abEz zara zu, zorionez, 1937ko maiatzean Gorozikako
\nbaserri hartara sartu zena
\neta sortetxea, egunsentiko behelainoak desegin orduko,
\nhondaturik topatu zuena.
\nHark ez zekien etxekorik aurkituko zuen, etxean.
\nEz zegoela inor ematen zuen,
\netxeko txakurra ere ez zitzaion irten bidera
\naspaldiko kontentuekin.
\nMilizianoek utzitako zaborra bakarrik atartean,
\natea parez pare zabalik,
\nezkaratzean aulkia hautsirik, errautsa barreiaturik.
\nKortara sartu zen,
\nabererik ez kortan, eta han ilunetan zegoela zarata bat
\nentzun eta tiro egin zuen
\ngoruntz. Hiru zulo egin ziren zurezko sabaian eta
\nhiru zuloetako batetik hasi zen
\nodola jausten, irobala gorriaren moduko zorrotada
\nmehea, bere besagainera,
\nepela, isilik, eta ez zekien odol hura zerena zen
\nedo norena.\u00c2\u00bb<\/p>\n

Problemak<\/strong><\/p>\n

\u00c2\u00ab\u00c2\u00abEz dago problemarik…\u00c2\u00bb erantzun nion, polizia atzetik zuela
\neta ea lagunduko nion esan zidanean,
\nEta autoz eraman nuen leku seguruago baterantz,
\nseguruagoa zela uste nuen behintzat,
\ngauez eta euripean, edozein momentutan kontrol batek
\nebaki zezakeen bide ikaragarri hartatik.<\/p>\n

Fabrikaren alboko tabernara sartu ginen, egunkari bat zegoen
\nmahai gainean tolestuta,
\neta neure lagunaren aurpegi laurden bat ikusten zen portadan
\nlehen planoan,
\neta diru-ordain handi bat eskaintzen zen bera harrapatzeko
\nedozein informazioren truke.<\/p>\n

\u00c2\u00abIgual, badago problemaren bat…\u00c2\u00bb esan zidan lagunak
\nispilua ematen zuen erretratu hura alboratuz.
\nZineko gertaeren modukoa da, pentsatu nuen, baina
\nzinekoak baino arraroagoak ziren gauzak,
\nzinezko euria, gurpil zipriztinak, bide alboko amildegiak,
\neta polizia guzia imajinatzen nuen atzetik…<\/p>\n

Problema ezaren esaldi harekin, hara, zeharo ekibokatu nintzen.
\nBazeuden problema batzuk, laster agertu ziren.
\nNire izena egunkarian azaldu zenean, neuk ere polizia atzetik nuela,
\nbeste lagun bati eskatu behar izan nion laguntza.
\n\u00c2\u00abEz dago problemarik…\u00c2\u00bb esan zidan lagunak, thriller hasiera bat
\nasmatzeko intentzio nabarmenik gabe.\u00c2\u00bb<\/p>\n


\nBederatzi te kikara Saharako basamortuan<\/strong><\/p>\n

\u00c2\u00ab1
\nLehenengo te kikara bizitza bezain
\ngarratza izanen da,
\nbigarren te kikara amodioa bezain
\nsamurra,
\nhirugarren te kikara heriotza bezain
\ngoxoa.<\/p>\n

2
\nLehenengo te kikara amodioa bezain
\ngarratza izanen da,
\nbigarren te kikara heriotza bezain
\nsamurra,
\nhirugarren te kikara bizitza bezain
\ngoxoa.<\/p>\n

3
\nLehenengo te kikara heriotza bezain
\ngarratza izanen da,
\nbigarren te kikara bizitza bezain
\nsamurra
\neta hirugarren te kikara amodioa bezain
\ngoxoa.\u00c2\u00bb<\/p>\n

\"Share\"\/<\/a>