{"id":3073,"date":"2014-11-29T07:59:33","date_gmt":"2014-11-29T06:59:33","guid":{"rendered":"http:\/\/www.literaturakoadernoak.org\/?p=3073"},"modified":"2014-11-29T07:59:56","modified_gmt":"2014-11-29T06:59:56","slug":"gara-ataraminek-edozein-irakurle-aseko-duen-uzta-aurkeztu-du","status":"publish","type":"post","link":"https:\/\/www.literaturakoadernoak.org\/?p=3073","title":{"rendered":"[GARA] Atarami\u00f1ek edozein irakurle aseko duen uzta aurkeztu du"},"content":{"rendered":"

<\/p>\n

\u2192 Gara: Atarami\u00f1ek edozein irakurle aseko duen uzta aurkeztu du<\/a><\/strong><\/p>\n

Ekaitz Sirventek itzulitako Nelson Mandelaren autobiografiako atal bat, Ibon Mu\u00f1oak idatzitako bertso-liburu berria eta hogei errepresaliaturen ekarpenak jasotzen dituen bilduma. Hori da aurten Atarami\u00f1ek aurkeztu duen uzta, edozein irakurlerentzat gozagarri izango dena.<\/p>\n

Iker BIZKARGUENAGA<\/em> BILBO<\/p>\n

Atarami\u00f1ek ez dio hutsik egin urteroko hitzorduari, eta, ohi bezala, idazlan sorta erakargarria eramango du Durangoko Azokara. Ibon Mu\u00f1oa preso eibartarraren \u00abAinarak herrira itzuliko dira\u00bb bertso-liburua, Ekaitz Sirvent zarauztarraren \u00abUrte ilunak\u00bb, Nelson Mandelak idatzitako \u00abLong Walk to Freedom\u00bb autobiografiako pasarte baten itzulpena denak, eta Atarami\u00f1e14 bildumak osatzen dute aurtengo uzta, estilo eta gustu guztiak asetzeko modukoa.<\/p>\n

Mitxel Sarasketa eta Oier Gonzalez Atarami\u00f1eko kideek eta Jon Benito idazleak -berak lagundu dio Sirventi lana aurrera ateratzen- agerraldia egin zuten liburuen berri emateko, eta Atarami\u00f1e14 bildumarekin abiatu zuten prentsaurrekoa.<\/p>\n

Hogei bat errepresaliatuk osatu dute aurtengo liburua, literaturaz harago doana, marrazkiak, ilustrazioak, argazkiak eta bestelako artelanak azaltzen baitira bertan, baina lehen hitzak kontrazalari eskaini zizkioten, edo hobeto esanda, kontrazalean azaltzen denari, Arkaitz Belloni. Otsailean, Puerto I kartzelan hil zen preso elorriarra, eta berari eskaini diote bilduma. \u00abBere oroimena bizirik dago Atarami\u00f1e14n\u00bb, aipatu zuen Mitxel Sarasketak, nabarmenduz idazteak \u00abpresoak bizirik daudela\u00bb erakusten duen bezala, ezin ahantz daitekeela kartzelak hil egiten duela.<\/p>\n

Kontrazaletik, azalera, zeinaren egilea Joseba Arregi Erostarbe den. O\u00f1atiko presoak kartzeletako kontrol dorrea irudikatu du herriko plaza batean. Marrazki horrek espetxeko literaturan sarri askotan errepikatzen den irudia ekartzen du gogora: espetxe txikia\/espetxe handia, eta huraxe aukeratu dute \u00abespetxe txikian\u00bb egositako lanak biltzen dituen liburuaren azalerako.<\/p>\n

Hitzaurrea Jesus Mari Zalakainek idatzi du. \u00abEgin\u00bb egunkariko administrazio kontseiluko kide izateagatik kartzelatu zuten, 18\/98 auzian. Izan ere, atzo nabarmendu zutenez, gure herrian jendea kazetaritzan aritze hutsagatik kartzelan dago.<\/p>\n

Bilduman, gainera, 1983an izandako Carabancheleko borroka sonatua azaltzen duten bertsoak agertzen dira, matxinada hura bertatik bertara ezagutu zuten Txomin Eizagirrek eta Joseba Sarrionandiak idatzi zituztenak. Horiez gain, liburuan beste hainbat egilek parte hartzen dute: Aitzol Iriondok, Mikel Antzak, Marixol Iparragirrek, Alfonso Etxegaraik, Fernando Alonsok, Itziar Alberdik…<\/p>\n

Robben Islandeko pasarteak<\/strong><\/p>\n

Arestian esan bezala, \u00abUrte ilunak\u00bb Nelson Mandelak idatzitako autobiografiaren pasarte baten itzulpena da; hain zuzen, Robben Islandeko kartzelan emandako urteak gogora ekartzen dituen atalaren itzulpena. Jon Benitok azaldu zuenez, oso baldintza zailetan burutu behar izan du Sirventek bere lana; besteren artean, duela gutxi 96 ordu bakarturik eman baititu eta oraindik ere komunikazioak oso murriztuta baititu zarauztarrak. Horiek hala, azken zuzenketak berarekin kontrastatu gabe argitaratu behar izan dute liburua.<\/p>\n

Ibon Mu\u00f1oaren \u00abAinarak herrira itzuliko dira\u00bb duela hiru urte argitaratutako \u00abAmetsen txokoan bizi naiz\u00bb bertso-liburuaren jarraipena da. Honek 162 bertso zituen eta 163. bertsotik abiatzen da idazlan berria.<\/p>\n

Harpidetza sistema proiektua iraunarazteko<\/strong><\/p>\n

Liburuen aurkezpena egin ostean, Atarami\u00f1eko kideek azaldu zuten euskal errepresaliatu politikoen literatura eta sorkuntza lanak hedatzea eta argitaratzea xede duen ekimenak harpidetza sistema jarriko duela martxan; alde batetik, egitasmoaren beraren bideragarritasuna bermatzeko bidean eta, bestetik, irakurleak nahi dituen liburuak modu errazago batean eskura ditzan, banaketa sistema hobetzeko, alegia. Horiek hala, Atarami\u00f1ek Durangoko Azokan jarriko duen postuan eskuragarri egongo dira harpidetza-orriak, nahi duenak harpidedun egiteko aukera izan dezan. I.B.<\/p>\n

literatura koadernoak<\/a> \/ atarami\u00f1e<\/a> \/ literaturakoadernoak.org<\/a> <\/p>\n

\"Share\"\/<\/a>