![](\"http:\/\/uberan.org\/wordpress\/wp-content\/uploads\/2015\/04\/ametsak-ere-zain.jpg\")
![](\"http:\/\/www.berria.eus\/argazkiak_jarraia\/egunekoak\/2015-04-30\/jarraia110482.jpg\")
<\/p>\n <\/p>\n
Mikel Antza<\/a> Hilabete batzuk neramatzan kartzela aldi luze honetako hamar urteotan idatzitako hainbat poemekin bueltaka. Iazko Durangorako prestatu nahi izan nuen bilduma bat, Iosu Uribetxeberria zenarentzat, hil hurren baitzegoen, eta ondorenean baino, beraganako sentimenduak aurrez helaraztea egokiagoa neritzon. Azkenean, poema bildumaren proiektua alde batera utzi eta ATARAMI\u00d1E aldizkarian argitara eman nituen poema batzuk, berari igorriz INVICTUS izenburua ipini nion poema kaiera. Poema gordinak dira, gogorrak, heriotza eta kartzela eta gerra dute gai. Mina eta samina. Garratzak ere badira pasarte batzuk, ez oso \u201cpoetikoak\u201d beharbada. Ulertzen den poesia idatzi nahi izan dut. Ez dut dena murtxikatuta eman ordea. Eta, seguruenera, hainbat pasarte ilun edo ulertezin gertatuko zaizkio irakurleari. Hemen barruan sentitzen den desolazioa bere sakontasunean behar bezala azaltzeko trebezia handia behar da. Bart, ohean etzanda, \u201csabai zurian pentagrama zurtzak\u201d ikusi ditut. Gure zerua infernu arin bat da. <\/p>\n Liburuaren osaketa ez da erraza izan, hemengo lubakietan ez dago tiro hotsik, ez granada eztandarik, ezta lokatzik. Isilagoa da bizi dugun suntsipena. Liburua bukatzear nuela, martxo hasieran, miaketa orokorra deritzoten bat egin ziguten. Goizeko zazpietan sartu zitzaizkigun kaskodun mozorrotuak, ezkutuak aurretik zituztela. Eskuburdinak atzean lotu eta atxilo hartu gintuzten, ziega huts batera eraman eta bi mozorrotuk gure burua biluztera behartu gintuzten, eskuargi batekin uzkia arakatzeko, hirugarren batek dena filmatzen zuen artean. Eskerrak eman nahi dizkiet aldez edo moldez poema liburu hau idazten lagundu didaten guztiei. Ez ditut hemen aipatuko, ez dakien eror legedi antiterroristaren zama. Presoon senideak Intxaurrondora deklaratzera deitzen dituzten garaiotan, galdera hura datorkit azkenaldian gogora: \u201czer behar du gure odolak irakiteko?\u201d.<\/p>\n MIKEL ANTZA<\/strong> \u2192 AMETSAK ERE ZAIN<\/strong> liburua osorik.html<\/a> \/ literatura koadernoak<\/a> \/ atarami\u00f1e<\/a> \/ literaturakoadernoak.org<\/a> \/<\/p>\n
\nAmetsak ere zain<\/a><\/strong>
\nPoesia
\nSusa<\/a>, 2015<\/p>\n
\nGarai bertsuan, tarteka liburuak igortzen dizkidan lagun anonimo batek, Aime Cesaire-ren Cahier d\u2019un retour <\/em>au pays natal helarazi zidan. Abendu amaiera aldean, bazkal ostean, ohean etzanda irakurtzen ari nintzela, eztanda egin zuen nire baitan. Ez nuen dena ulertzen, ulertzen nuen ordea Cesaire zer ari zitzaidan esaten. Nire baitan lozorroan lotsatuta zegoen ahotsa esnatu zitzaidan.
\nAskatasuna sentitu nuen. \u201cHorrela ere idatz daiteke poesia\u201d sentitu nuen. Zuzenagoa da \u201chorrela idatzi behar da poesia\u201d sentitu nuela esatea.
\nEta hurrengo egun eta asteetan, oheratu aurretik gauero bezala, musika ipini, polarra jantzi, ziegako leihoa zabaldu, bertan bermatuta, izarrak antzematen saiatuz, burdina barrak aski ez eta gaineratu dizkiguten sareko laukitxoetan jolasean zebilen armiarmari beha, hegoaldeko haizeari zelatan, nire barneko ahotsari bide eman nion.
\nSusaren Munduko Poesia Kaierak ere lagun izan ditut, Aime Cesaire (berriro!), Georg Trakl, Emily Dickinson… Gaztarokoak etorri zitzaizkidan gogora, alemaniar erromantikoak, Oscar Wilde ere bai, eta Walt Whitman… eta izenez oroitzen ez ditudanak, eta kantak, eta erritmoak eta errimak, gaueko dantzarekin hamar urteotan bildutako poemekin josi eta nahasi ditudanak.<\/p>\n
\nBaina maitasunezko poemak ere dira, norbanakoa baitute gai eta helburu. Eta aurrenik neroni; liburu honen idazketa bitartean nigan eragindako aldaketa sentitu baitut. Eta maitasunezko poemak ere dira, askatasuna dutelako amets, askatasunez idatziak direlako.<\/p>\n
\nZigor-ziegako bi egonaldiren artean amaitu dut AMETSAK ERE ZAIN, doi-doi. Beste haren duela hogeita hamar urte baino gehiagoko koplak bezala atera dira liburuko azken poemak ere praketan gordeta.
\nGeneroz aldatuta ere ez dut lortzen kartzelatik irtetea. Iheserako nahi nukeen literaturak bertara nakar behin eta berriro.<\/p>\n
\n2015eko apirilaren 17an
\nR\u00e9au-ko kartzelako zaindaritza zorrotzeko moduluan<\/p><\/blockquote>\n![](\"https:\/\/farm8.staticflickr.com\/7700\/16703199283_c717b60c4d_o.jpg\")
\nEneko Olasagasti zinemagile eta Antzaren adiskideak irakurri du autoreak R\u00e9auko espetxetik bidalitako gutuna<\/a><\/center><\/p>\n
\n\u2192 literaturaren zubitegia: Mikel Antza<\/a>
\n\u2192 Susa etxea<\/a>
\n\u2192 Mikel Antzak espetxetik bidalitako gutuna.pdf<\/a>
\n\u2192 literatur emailuak: Ametsak ere zain, Mikel Antza<\/a>
\n\u2192 berria.eus: Heriotzaz, kartzelaz eta gerraz idatzi du Mikel Antzak bere lehen poema liburuan<\/a>
\n\u2192 naiz.eus: Lehen poema liburua kaleratu du Mikel Antzak, espetxean ondutakoa: \u2018Ametsak ere zain\u2019<\/a>
\n\u2192 naiz.eus: Espetxearen garraztasunak ere badu maitasunetik
\n<\/a>
\n\u2192 berria.eus: \u00abKartzelan sentitzen den desolazioa azaltzeko trebezia handia behar da\u00bb<\/a><\/p>\n
![\"Share\"\/](\"https:\/\/static.hupso.com\/share\/buttons\/share-medium.png\")
<\/a>