{"id":4198,"date":"2018-01-18T15:03:22","date_gmt":"2018-01-18T14:03:22","guid":{"rendered":"http:\/\/www.literaturakoadernoak.org\/?p=4198"},"modified":"2018-01-22T11:28:50","modified_gmt":"2018-01-22T10:28:50","slug":"hamahiru-ate-1985","status":"publish","type":"post","link":"https:\/\/www.literaturakoadernoak.org\/?p=4198","title":{"rendered":"Hamahiru ate (1985)"},"content":{"rendered":"

<\/a><\/p>\n

Hamairu ate<\/strong>
\naukeraketa eta itzulpena:
\nJoseba Sarrionandia
\nMitxel Sarasketa
\nerdal umore beltza
\nElkar, 1985<\/p>\n

\u2192 archive.org: Hamahiru Ate.PDF<\/a>
\n\u2192 armiarma.eus: Hamahiru Ate.html<\/a><\/p>\n

\n\u2192 literatur emailuak: Hamahiru ate, 13 ipuin beltz<\/a><\/p>\n

Umorea, Paul Valery<\/a> poetak esaten zuenez, ez da hitz zehatza. Horrela hasten da Hamahiru ate<\/a>, 1985an Joseba Sarrionandia<\/a>k eta Mitxel Sarasketa<\/a>k aukeratu eta euskarari ekarritako ipuin liburuko Atearteko aurkezpena<\/a>.
\n\u201cUmorerik egiazkoena beltza\u201d dela aitortzen dute itzultzaileek. \u201cUmore beltzean irribarrez gainera badago mistizismo bat, baina ez mistizismo dultze eta zerutiar bat, umoristak izatez infernutiarrak baitira\u201d.<\/p>\n

Hamahiru autore arrotz ekarri zituzten orduan euskaraz: Amborse Bierce<\/a>, Hector Hugh Munro Saki<\/em><\/a>, Francis Picabia<\/a>, Franz Kafka<\/a>, Sakutaro Jaguiwara<\/a>, Anibal Machado<\/a>, Max Aub<\/a>, Leonara Carrington<\/a>, Virgilio Pi\u00f1era<\/a>, Kostas Axelos<\/a>, Gabriel Garcia Marquez<\/a>, Pere Calders<\/a> eta Gonzalo Suarez<\/a>. Hamahiru ate<\/a> liburua osorik jarri dugu sarean, (H)ilbeltzaren<\/a> karietara.<\/p>\n

\u2192 armiarma.eus: HAMA(h)IRU ATE Joseba Sarrionandiaren 2018ko epilogoa<\/a> [(H)ilbeltza 2018<\/a>]
\n\u2192 armiarma.eus: HAMA(h)IRU ATE. Atearteko aurkezpena<\/a><\/p>\n

ATEARTEKO AURKEZPENA<\/p>\n

Umorea, Paul Valery poetak esaten zuenez, ez da hitz zehatza. Aitzitik, hitz egokia da, umorea, gusto eta koloreetaz eztabaidatzeko eta, gainera, esaldi umoretsu berri bakoitzak emendatzen du betiere bere zentzua. Horrela, azken finean, umoreak eman nahi zaion zentzua du. Zentzundunen mediokritatea eta erotasunaren galbidea ukatzen dituenak bide guti baditu, umorea da horietariko bat. Ez dakit nork esan zuen, baina egia da, umorea desesperatuaren gortesia dela.<\/p>\n

Horregatik, umorerik egiazkoena beltza da. Umore beltzean irribarreaz gainera badago mistizismo bat, baina ez mistizismo dultze eta zerutiar bat, umoristak izatez infernutiarrak baitira. Alfonso Rodriguez Castelao galegoaren O Ollo de Vidro liburuaren hastapenean Mark Twain amerikarraren aipu bat dator: \u201cHumorismoaren azpitik beti ageri da oinaze handi bat; horregatik ez da humoristarik zeruan (Koldo Izagirreren edizioa: Castelao, Kristalezko Begia, Kriselu, 1976)\u201d. Infernuaren ideia honetaz nahiko interesgarria da, bilduma honetan, Virgilio Pi\u00f1era kubanoaren ipuin bat, hain zuzen ere \u00abInfernua\u00bb deritzana: Infernua, azken finean, ohitura maite bat bihurtzen da.<\/p>\n

Euskarazko literaturan, eta gure umore beltzaren eskasian, Jon Mirandek eman izan ditu ipuinik politenak. Humore Beltzaren Adibideak izenarekin argitaratu izan direnetan (Patri Urkizuren edizioan: Jon Mirande, Gauaz Parke Batean, Elkar, 1984) batzuk itzulpenak dira dudarik gabe, baina baliteke haien artean orijinalak ere egotea. Masokistaren eta sadikoaren arteko solas ezaguna eskuetan zabalik duzun liburuan ere agertzen da, hamargarren atean, Kostas Axelos izenaren pean, baina ez batarena ez bestearena ez ote den gaude, hau da, inorena ez ote den, guziena dela alegia. Ipuin tipi horietaz aparte, Jon Miranderi bere ipuin luzeagoetan ere umore beltza dario. Eta poemaren batzuetan ere bai, Clementine delako doinuaz abestu beharreko Kattalin horretan esate baterako.<\/p>\n

Baina ez gara euskal autoreak aurkezten ari, hamahiru autore arrotz baizik. Hauk dira: Ambrose Bierce, 1842 urtean sortu eta 1913an desagertu zen Ifar Ameriketako idazlea; Hector Hugh Munro, Saki, 1870 eta 1916 artean bizi izan zen kazetari eta ipuin egile britanikoa; Francis Picabia, 1878-1953, surrealista ezaguna; Franz Kafka, are ezagunagoa, bost ipuin laburrekin agertzen da hemen; Sakutaro Jaguiwara, 1886 eta 1942 artean bizi izan zen japoniar idazlea, testu bakar batekin dago; Anibal Machado brasildarra ere, 1894-1964, nahiko ezezaguna, ipuin batekin azaltzen da; Max Aub dator gero, 1903 eta 1972 artean bizi izan zen idazle errepublikanoa, Mexiko aldean erbestean zegoelarik izkiriaturiko gauzekin: Leonora Carrington, 1917 urtean sortua eta Le Cornet Acoustique deritzan nobela harrigarri baten autorea; Virgilio Pi\u00f1era bederatzigarrena da; hurrengoa Kostas Axelos, 1924 urtean jaiotako pentsalari grekoa; eta Gabriel Garcia Marquez dator gero, ezagunegia, izenez behintzat; azken aurrekoa Pere Calders da, katalana, ipuin egile miresgarria; eta azkena Gonzalo Suarez, asturianoa, zine egile eta idazlea. Hizkuntza desberdinetarik itzuli ditugu, batzuetan autore bakoitzaren obra orijinalean oinarriturik, bestetan bigarren eskuko itzulpenean fidaturik, hau da Sakutaro Jaquiwara, Franz Kafka eta besteren baten kasua. Gainera, beste hizkuntzatan eginiko bildumak izan ditugu haintzat, eta hauen artean ezin dugu aipatu gabe utzi, umore beltzeko bildumetan klasikoa eta eredua delako, Andre Breton surrealistarena.<\/p>\n

Gure bilduma hau, dena dela, ez dugu moldatu eredu bat segiturik, ezta kriterio zehatzekin. Posible da hemengo gauzaren bat edo beste umoretsu ez izatea ere; kasu horietan, hasieran esan bezala, umorearen zentzua emendatzea da proposatzen zaizuna. Beltza, ordea, liburu honetan bilduriko ipuinak beti dira beltzak. Beltzak, inprentako tinta legez. Edo Deabruak dituen bi orinak bezain beltzak, bata ezpainen alboan eta bestea zeuk asma zenezakeen lekuan baititu.<\/p>\n

Baina ateartean sekretu kondari luzatu baino hobe aterik ate sartzea.<\/p><\/blockquote>\n

\"Share\"\/<\/a>