Errepresaliatu politikoen poemetatik abiatuta sortutako kantuez osaturik, euskal musikagintzan aritzen diren musikari zein kantari ezagun ugarik parte hartu du elkartasuna ikur gisa duen bilduma honetan. Kantuak, berriak eta Mikel Mundiñano “Zato” eta Joxe Olaizola “Animal” musikari nafarrek konposatuak, musikari zein kantari euskaldun ugarik bere egin eta disko honetarako bereziki grabatu dituzte Altxatune Prod. estudioan, Jorge Etxebarrieta “Txortx”en begiradapean.

Parte hartzaileen artean aurki ditzakegu:
Alex Sardui, Enrique Villareal “Drogas”, Iñigo Muguruza, Francis Diez (Doctor Deseo), Anje Duhalde, Xabier Silveira, Andoni Basterretxea (Delirium Tremens), Gorka Armendariz (Leihotikan), Brigi (Koma), Jony (Kaotiko), Maider Ansa, Juanpa Agirre, Lander (Lor), Gerry, Gentza Madariaga eta Ion Remen (Sarkor), Ruben Garatea (Skasak) eta beste hainbat eta hainbat musikari.

Musikari hauek moldatutako poemak errepresaliatu politikoen lumetatik irtendakoak dira. Patio zoko batean, txarto argiztatutako isolamendu ziega batean, erbestean, herri arrotz bateko bizileku are arrotzagoan… ekin zioten barne bizipenak idatziz jartzeari. Fernando Diez, Joseba Sarrionandia, Sergio Garcia Razkin, Pello Mariñelarena, Enrike Letona, Gerry Adams, eta iheslarien hitzak entzuteko aukera izango dugu disko honetan.